ازاي تخلي الايميل يحبك

إزاى تخلى الإيميل يحبك

[ندعوك للتسجيل في المنتدى أو التعريف بنفسك لمعاينة هذه الصورة]

إنت فاكر إن الإيميل بتاعك اتسرق - لا خالص ابسليوتلى [ندعوك للتسجيل في المنتدى أو التعريف بنفسك لمعاينة هذه الصورة] على رأى اللمبى - ده طهق وهج من وشك من كتر البلاوى اللى شافها معاك , إشى حوارات مع بنات وإشى مواقع إباحية [ندعوك للتسجيل في المنتدى أو التعريف بنفسك لمعاينة هذه الصورة]
بتدخل عليها فى السكرته وغيره وغيره علشان كده ضاع منك ييجى 3 او 4
إيميلات بس احنا خنقولك إزاى تتصالح مع إيميلك ولما تحبه هو كمان هيحبك
ويفضل معاك ومش هيسيبك


طهق الهاكر وإقرفه فى عيشته
[ندعوك للتسجيل في المنتدى أو التعريف بنفسك لمعاينة هذه الصورة]
بمعنى
انك تعمل كلمة سر طوييييييييييلة جدا اكتب فيها اسم امك واسم اول واحده
حبيتها ورقم السيريال نمبر بتاع الموبيل بتاعك يعنى من الاخر لو فكر انه
يتوقع الباس وورد يبقى هيقعد طول عمره يتوقع


نوع للهاكر .. يكرهك علطووول [ندعوك للتسجيل في المنتدى أو التعريف بنفسك لمعاينة هذه الصورة]
يعنى
كلمة السر لازم تكون أرقام وحروف وكده يعنى التشكيل التشكيل وقلب رزقك
واكتب كل اللى ييجى فى بالك يعنى ممكن تكتب مثلاً كلمة سر بالعربى وتدخل
فيها أرقام ورموز . هديلك مثال متقرفنيش بقى اكتب مثلاً "123ابره
الخياطه456خيطلى كمى واوعى تقول لإمى**" ويبقى راجل ابن راجل لو عرفها , تبقى انت أساساً راجل لو عرفت تكتبها تانى .[ندعوك للتسجيل في المنتدى أو التعريف بنفسك لمعاينة هذه الصورة]

]ابعد عن تاريخك الاسود . بلاش فضايح [ندعوك للتسجيل في المنتدى أو التعريف بنفسك لمعاينة هذه الصورة]

بمعنى
متعملشى نفسك ناصح وتروح كاتب تاريخ ميلادك أو الحاجات المتوقعه والمعروفة
عندك يعنى متعملشى الباس وورد بإسم الموزة بتاعتك مثلاً لأن المزة هتتغير
بس الباس ووؤد قاعدلك يا خفيف .


أروش الهاكر ولاعبه عالشناكل
[ندعوك للتسجيل في المنتدى أو التعريف بنفسك لمعاينة هذه الصورة]

يعنى كل كام يوم كده تغير الباس وورد بتاعك وتدلع الهاكر قبل ما يدلعك انت دعلك انت خفيف ,بس هو هزار اهله رخم


بطل هبـــــل[ندعوك للتسجيل في المنتدى أو التعريف بنفسك لمعاينة هذه الصورة]

يعنى
كلمة السر بتاعة إيميلك تبقى للإيميل بس مش كل ما تدخل على منتدى او تشترك
فى اى مصيبة على دماغك تخليها الباس وورد بتاعك مش عاوزين هبل وهرتله بقى ولا أصوت وألم عليك الهاكرز ؟؟ ..


بطل قلة أدب[ندعوك للتسجيل في المنتدى أو التعريف بنفسك لمعاينة هذه الصورة]
يعنى
فى الغالب لما بتدخل على الشات العام بتلاقى ملفات غريبه بتتبعت ليك وانت
عارف ومتأكد انها فيها حاجات قلة أدب مش عارف قلة أدب يعنى ايه ؟؟ عاملى
فيها محترم ؟؟ قلة أدب عنى .. "Sex" .. فهمت ياخويا .. وطبعاً انت بتظيط من
الفرحه وتروح زى الأهبل ومش عارف انها ممكن تكون او فى الغالب بتكون هاكرز
وبدل ما تلهف الباس وورد بس تطيرلك الهارد بتاعك كله .. واوعى وشك .
إدخل برجالتك يا فـــــــــرج
[ندعوك للتسجيل في المنتدى أو التعريف بنفسك لمعاينة هذه الصورة]


يعنى لازم جهازك يكون مستعد ببرامج حماية من الهاكرز تقف إدام أى واحد من الإعداء تسول له نفسه - حلوة تسول دى ؟ حلوة ها - انه يهجم على جهازك ويبرشت على الإيميل بتاعك .


بطل تبقى رمرام [ندعوك للتسجيل في المنتدى أو التعريف بنفسك لمعاينة هذه الصورة]

بمعنى
مش أول ما تفتح الميل وتلاقى رسالة كسبت حاجه تجرى وتفتحها أو تلاقى أسم
واحده موزة بعتالك حاجه تريل على الإيميل علشان تعرف غللى فيه
يعنى من الآخر اللى متعرفوش متفتحوش واللى يبعتلك رسالة وانت متعرفوش هو مين يبقى هاكرز ومتقربشى منه وتلغىه فوراً ابن النصابة ده .
يابن الـــ .... هاكر[ندعوك للتسجيل في المنتدى أو التعريف بنفسك لمعاينة هذه الصورة]

أفرض
الهاكر فشل إنه يخترق الإيميل بتاعك ويسرقه عارف إحساس أنك متكتف ومش عارف
تعمل حاجه غير انك تفلفص . هو ده نفس إحساس الهاكر بالتالى هو يحاول يجرحك
فى اى حاجه .
يعنى يفضل يحط الباس وورد بتاعك غلط كتير علشان الإيميل يتقفل , علشان كده
1-
لازم حضرتك تكون حافظ صفحة البيانات الخاصة بيك زى الإسم والبلد وكل شىء
يعنى صفحة البروفيل بتاعتك وخصوصاً لو كنت عامل اى تغيير فيه .
2-
لازم تعمل قائمة بأصحابك اللى على الماسنجر تكون معاك على إيميل تانى او
كاتبها على الكمبيوتر بتاعك لأن لو الإيميل اتقفل هتتعب كتير عقبال ما تلم
كل البنات اللى تعبت وطلع روحك فى جم إيميلاتهم إيميل إيميل فلازم -واحد
بالك معايا- لازم تاخد حذرك وتلم لحمك اللى مترمى على الماسنجر يا معلم
3- تكتب كل الإيميلات بتاعة الشغل على الكمبيوتر عندك علشان متتقرصشى فى أكل عيشك برضه ..

]وربنا يحمينا ويحميك من شر الهاكرز [ندعوك للتسجيل في المنتدى أو التعريف بنفسك لمعاينة هذه الصورة]