في المتحف المصري سأل الولد أبوه : تمثال مين ده يا بابا ؟ رد الأب :
مش عارف يا بني ... طب صورة مين دي يا بابا ؟ مش عارف يا بني ... طب مين
اللي محنطينه هناك ده يا بابا ؟؟ مش عارف يا بني ... شويه و أم الولد
قالتله : يا واد بس بقى كفاية أسئلة تعبت أبوك .. رد أبوه : يا ولية خلي
الواد يسأل علشان يتعلم ...!!
-------------------
واحدة بتقول
لجوزها اشتري لي خاتم يا حبيبي علشان افتكرك بيه ... رد زوجها في حنان
متهيألي يا حبيبتي ممكن تفتكريني أكثر إنك طلبتي مني خاتم و أنا مرضتش
...!!
-----------------
واحد بلدينا عاوز يخس ... الدكتور قاله :
لازم تمشي 10 كيلو كل يوم ... بعد 3 شهور كلم الدكتور و قاله : أنا داخل
على مرسى مطروح كفاية و لا أكمل ...!!
------------------
تلغراف جه لواحد مكتوب فيه : " مراتك خلفت و الجاموسة خلفت ... احضر للتعرّف على المولود ..!!
----------------
كمساري ماشي في جنازة كل ما يلاقي زحمة يقول : يا جماعة الجنازة فاضية جوه ..!!
اليومية
الثلاثاء أغسطس 23, 2011 11:38 pm من طرف 
